16 მაისს წალენჯიხის მუნიციპალიტეტის მერიის სოციალური და ჯანდაცვის პროგრამების მართვისა და ადმინისტრირების კომისიის სხდომა გაიმართა.

 სხდომას წალენჯიხის მუნიციპალიტეტის მერის მოადგილე თამარ ბელქანია ხელმძღვანელობდა.

 სხდომას ესწრებოდნენ: მერიის სოციალური მომსახურების, ბავშვთა უფლებების დაცვისა და მხარდაჭერის სამსახურის უფროსი მერაბ შონია, მერიის საფინანსო-საბიუჯეტო სამსახურის, სახაზინო მომსახურებისა და შემოსავლების განყოფილების უფროსი სპეციალისტი ირაკლი ეგია და კომისიის წევრები სხვადასხვა სტრუქტურული ერთეულებიდან.

 სოციალური და ჯანდაცვის პროგრამების მართვისა და ადმინისტრირების კომისიის გადაწყვეტილებით, დაფინანსდნენ:

  წარჩინებულ სტუდენტთა სწავლის საფასურის თანაგადახდის ფარგლებში დაფინანსდნენ და-ძმა ქრისტინა და ფალანდა ღვინჯილიები;

  თირკმლის დიალეზზე მყოფი პაციენტები,ტრანსპორტირების ფინანსური უზრუნველყოფის ფარგლებში;

  მუდმივად და სისტემატურად მკურნალობის საჭიროების მქონე, იშვიათი დაავადების მქონე პაციენტები;

  შშმ პირთა და მოვლის საჭიროების მქონე ბენეფიციარები;

 სამამულო ომის მონაწილე მოქალაქე;

 დედ-მამით ობოლი ბავშვები;

 ჯანმრთელობის ცვლილებით გამოწვეული, საყოველთაო დაზღვევით დაფინანსებული პაციენტები;

  ბენეფიციარები ერთჯერადი ფულადი დახმარების ფარგლებში;

 ბენეფიციარები ახალშობილ ოჯახთა ერთჯერადი ფულადი დახმარების ფარგლებში;

 დაფინანსდა სარიტუალო ხარჯები.