წალენჯიხის მუნიციპალიტეტის მერმა გიორგი ხარჩილავამ, მერის წარმომადგენლებთან მორიგი სამუშაო შეხვედრა გამართა.

ყოველკვირეულ სამუშაო შეხვედრაზე მერმა ინფრასტრუქტურულ პროექტებზე, სოფლის მხარდაჭერის პროგრამების ფარგლებში მიმდინარე და მომავალში განსახორციელებელ სამუშაოებზე , ასევე სოციალური პროგრამის ფარგლებში დასაქმებულ ბენეფიციართა და მათ მუშაობასთან დაკავშირებულ საკითხებზე ინფორმაციები მოისმინა.

 სოფლის მხარდაჭერის პროგრამის ფარგლებში ადმინისტრაციულ ერთეულებში ამ ეტაპზე 51 პროექტი მიმდინარეობს, დასრულებულია 20 პროექტი, მთლიანობაში კი, 150-მდე პროექტი განხორციელდება.

განსაკუთრებული ყურადღება გამახვილდა ,,გრანელობი'-ს დღესასწაულის ჩატარებასთან დაკავშირებით.

ასევე, გასული სამუშაო კვირა შეაფასეს და მუნიციპალიტეტში სხვა მიმდინარე პროექტებსა და სამომავლო გეგმებზე იმსჯელეს.